Álıhan Smaıylov óńirlerde ashylatyn kóterme-saýda ortalyqtarynyń mindetterin atady
«Azyq-túlik qaýipsizdigin qamtamasyz etý – Úkimet aldynda turǵan mańyzdy mindet. Ol qazirgi kúrdeli ýaqytta memlekettiń ózin-ózi qamtamasyz etý máseleleri shıelenisken kezde erekshe ózekti bolyp otyr. Táýelsizdigimiz bastalǵaly beri jemis-kókónis ónimderin saqtaý boıynsha qýattardyń jetispeý problemasy tur. Olardyń tapshylyǵy búgin de shamamen 70 paıyzdy nemese 4,7 mln tonnany quraıdy. Jyl saıyn maýsymaralyq ýaqytta jemis-jıdek pen kókónisterdiń baǵasy ósýde. Bul – ınflıatsııalyq protsesterdiń katalızatory», - dedi Álıhan Smaıylov Úkimet otyrysynda.
Premer-Mınıstrdiń birinshi orynbasary osyǵan baılanysty kóterme-taratý ortalyqtarynyń jelisin qurý sııaqty mańyzdy ınfraqurylymdyq jobany iske asyrý – basty máselege aınalǵan.
«Mundaı jelilerdi qurý – áleýmettik mańyzy bar azyq-túlik ónimderin tómen baǵamen jınap-saqtaýdy, sodan keıin jyl boıy naryqqa shyǵarýdy qamtamasyz etýge múmkindik beredi. Bir jaǵynan bul fermerlerge óz ónimin tolyq satýǵa jol ashady. Al ekinshi jaǵynan naryqty otandyq ónimmen toltyryp, baǵanyń ósýin tejeıdi. Jobany bastaý úshin birinshi kezekte respýblıkalyq bıýdjetten qarajat bólý máselesi qaralady. Sonymen qatar Saýda jáne ıntegratsııa mınıstrligi, ákimder jobany iske asyrý úshin ınvestorlardy tarta otyryp, memlekettik-jekeshelik áriptestik tetigin pysyqtaýy tıis», - dedi Álıhan Smaıylov.
Aıta ketsek Úkimet otyrysynda Saýda jáne ıntegratsııa mınıstri Baqyt Sultanov bıyl Almaty, Pavlodar jáne Túrkistan oblystarynda aýyl sharýashylyǵy taýarlaryn saqtaýǵa arnalǵan 5 kóterme-taratý ortalyǵyn salý kózdelip otyrǵanyn málim etken edi. Úkimet basshysy tarapynan bul jumys qoldaý tapty.
Al óz kezeginde Berdibek Saparbaev Úkimetten kóterme-saýda ortalyǵy birinshi kezekte salynatyn oblystardyń qataryna Jambyl óńirin de qosýdy surap otyr.
