Álıhan Smaıylov mınıstrlerge óńirlerdegi máseleni ýaqytyly sheshýge qatysty tapsyrma berdi
«Memleket basshysy mınıstrlerdiń jáne ákimderdiń halyqpen kezdesýlerinde jıi kóteriletin máselelerge júıeli túrde monıtorıng júrgizýdi tapsyrdy. Sondyqtan, halyqpen qarym-qatynas jasaýdyń jańa formatyna kóship, olardy tolǵandyratyn máselelerdi shuǵyl sheshýdiń naqty algorıtmderin ázirleý qajet. Monıtorıng kóptegen suraqtardyń jyl saıyn qaıtalanatynyn kórsetti, ıaǵnı olardy túpkilikti sheshý kerek», - dedi Á. Smaıylov.
Osy oraıda Úkimet basshysy óńirlerde negizinen turǵyn úı-kommýnaldyq sharýashylyǵy, qurylys, aýyl sharýashylyǵy jáne jer qatynastary, sondaı-aq baǵa máselesine qatysty taqyryptar jıi kóteriletinin aıtty.
«Olardyń basym bóligi mınıstrlerdiń halyqpen kezdesýlerinde jergilikti atqarýshy organdardyń qatysýymen sol jerde sheshildi. Al, qalǵan máseleler memlekettik organdardyń Іs-qımyl josparlaryna engizildi. Olardy sheshýge ýaqyt kerek. Keıbirine zańnamalyq ózgerister, qosymsha qarjylandyrý nemese basqa vedomstvolardyń sheshimderi qajet. Sondyqtan, barlyq mınıstrler memlekettik organdardyń Іs-qımyl josparlaryna engizilgen máselelerdi ýaqytyly sheshýdi qamtamasyz etýi tıis», - dedi Premer-Mınıstr.
Budan buryn habarlanǵandaı, Úkimette ortalyq organdar basshylarynyń halyqpen kezdesý qorytyndylary jarııalandy.
2022 jyly barlyq deńgeıdegi ákimder halyqpen 28,3 myń kezdesý ótkizdi.
Foto: primeminister.kz