Álıhan Smaıylov Memleket basshysynyń tapsyrmalaryn iske asyrý jóninde keńes ótkizdi
Keńeske ortalyq memlekettik jáne jergilikti atqarýshy organdardyń, «Atameken» UKP, ulttyq kompanııalar men holdıngterdiń basshylary qatysty.
Keńesti bastamas buryn elde oryn alǵan tártipsizdiktiń qurbandaryn eske alý úshin bir mınýttik únsizdik jarııalandy.
Á. Smaıylov bıylǵy jyl óte kúrdeli jáne qaıǵyly oqıǵalarmen bastalǵanyn aıtty. Qazaqstan buryn bolmaǵan destrýktıvti kúshterdiń agressııasyna tap boldy. Eń úlken megapolıs Almaty men kóptegen oblys ortalyqtary terrorıster men bandıtterdiń soqqysyna ushyrady. Á.Smaıylov qaza tapqandardyń otbasylaryna kóńil aıtyp, «Prezıdent Qasym-Jomart Kemeluly Toqaevtyń ýaqytyly jáne batyl is-qımyldarynyń arqasynda biz tártipsizdiktiń, zańsyzdyqtyń taralýyn toqtatyp, quqyq tártibin qalpyna keltire aldyq. Ókinishke oraı, adamdar zardap shegip, jaralandy, túrli jaraqattar aldy. Biz olarǵa tezirek saýyǵyp ketýlerine tilektespiz. Eń ókinishtisi, azamattarymyzdyń arasynda qaza bolý jaǵdaılary oryn aldy. Tártip pen zańdylyqty qalpyna keltirý nátıjesinde polıtsııa men áskerı qyzmetshiler mert boldy. Biz olardyń Qazaqstan Respýblıkasynyń konstıtýtsııalyq qurylysyn saqtaý jolyndaǵy erlikterin maqtan tutamyz», — dedi.
Qazirgi jaǵdaı jáne qabyldanyp jatqan sharalar týraly ulttyq ekonomıka mınıstriniń mindetin atqarýshy Tımýr Jaqsylyqov, ishki ister mınıstriniń mindetin atqarýshy Erlan Turǵymbaev, ındýstrııa jáne ınfraqurylymdyq damý mınıstriniń mindetin atqarýshy Beıbit Atamqulov, saýda jáne ıntegratsııa mınıstriniń mindetin atqarýshy Baqyt Sultanov, tótenshe jaǵdaılar mınıstriniń mindetin atqarýshy ıÝrıı Ilın, densaýlyq saqtaý mınıstriniń mindetin atqarýshy Jandos Búrkitbaev, energetıka mınıstriniń birinshi orynbasary Murat Júrebekov, Básekelestikti qorǵaý jáne damytý agenttiginiń tóraǵasy Serik Jumanǵarın baıandama jasady. Memleket basshysynyń tapsyrmalaryn iske asyrý aıasynda quramyna arnaıy prokýrorlardy, UQK, ІІM, sybaılas jemqorlyqqa qarsy is-qımyl jáne qarjylyq monıtorıng agenttikteriniń qyzmetkerlerin qosa otyryp, vedomstvoaralyq jedel tergeý toby quryldy. Bas prokýratýra terrorızm aktilerin jasaý, jappaı tártipsizdikterdi uıymdastyrý jáne olarǵa qatysý faktileri boıynsha sotqa deıingi tergeý amaldaryn bastady. Kúshtik qurylymdardyń jeke quramy qyzmet atqarýdyń jáne joǵary jaýyngerlik daıyndyqtyń erekshe rejımine aýystyryldy. Úkimettiń tótenshe rezervinen ishki ister organdary men Ulttyq ulannyń arnaıy bólimshelerin jaraqtandyrýǵa qajetti qarajat bólindi. Jappaı tártipsizdik kezinde kúshtik qurylymdardyń qaza tapqan qyzmetkerleriniń otbasylaryna materıaldyq kómek kórsetý boıynsha sharalar qabyldanýda. Azamattarǵa zardap shekkender men habar-osharsyz ketkender týraly aqparat berý úshin 1414 Biryńǵaı baılanys ortalyǵy bazasynda tikeleı jeli uıymdastyryldy. Tártipsizdikter saldarynan keltirilgen zalaldy baǵalaý jónindegi óńirlik komıssııalar quryldy. «Atameken» UKP kásipkerlerden tıisti aqparatty jınaýdy júzege asyrýda. Almaty qalasyn qospaǵanda, óńirlerdegi barlyq kommýnaldyq qyzmetter men tirshilikti qamtamasyz etý obektileri shtattyq rejımde jumys isteýde. Shuǵyl kómek kórsetetin medıtsınalyq uıymdar jumys istep turǵan Almaty qalasyn qospaǵanda, respýblıka boıynsha barlyq densaýlyq saqtaý nysandary shtattyq rejımde jumys istep tur. Ekinshi deńgeıli iri bankterdiń uıaly baılanystyń bolýymen jumys isteıtin onlaın-servısterine qoljetimdilik qalpyna keltirildi. POS-termınaldar men bankomattar jelisiniń jumysy qamtamasyz etildi. Qazaqstan qor bırjasynyń, Ulttyq Banktiń Qazaqstandyq bankaralyq esep aıyrysý ortalyǵynyń saýda júıeleriniń jáne eldiń qarjy júıesiniń basqa da ınfraqurylymynyń shtattyq rejımde jumys isteýi qamtamasyz etildi. Elimizdegi dıplomatııalyq mıssııalardyń nysandaryn kúzetý kúsheıtildi. Shet memlekettermen jáne halyqaralyq uıymdarmen turaqty baılanys qamtamasyz etilgen.
QR Premer-Mınıstriniń m.a. Á. Smaıylov Memleket basshysy qoıǵan mindetterdi sapaly ári jedel iske asyrýdy qamtamasyz etýdi tapsyrdy. Á. Smaıylov sondaı-aq áleýmettik mańyzy bar azyq-túlik taýarlarynyń baǵasynyń turaqtylyǵyn qamtamasyz etý, «Qazaqstan halqyna» qoǵamdyq qoryn qurý máselelerin pysyqtaý, halyqtyń áleýmettik osal toptary úshin qaıtalama turǵyn úıdi jaldaý aqysynyń bir bóligin sýbsıdııalaý tártibi men tetigin ázirleý jóninde tapsyrma berdi. «Azamattardyń barlyq syndarly ótinishterin muqııat zerdelep, olar boıynsha qajetti sheshimder ázirleý kerek. Barlyq ortalyq jáne jergilikti atqarýshy organdar, «Atameken« UKP eki apta merzimde halyq kótergen máselelerdi sheshý boıynsha usynystardy Ulttyq ekonomıka mınıstrligine jiberýi tıis», — dedi Á. Smaıylov.
