Álıhan Smaıylov: Mektep ishinde de qaýip baryn kórip otyrmyz
Premer-Mınıstr Álıhan Smaıylov atalǵan oqıǵanyń keleshekte qaıtalanbaýy úshin birneshe naqty mınıstrlikke tapsyrma berdi.
«Bul óte qaýipti jaǵdaı. Halyqtyń arasynda úlken alańdaýshylyq týdyrdy. Balalardyń qaýipsizdigine alańdamaıtyn otbasy joq. Mekteptiń ishinde de qaýip baryn kórip otyrmyz. Sondyqtan bul máseleni qaıta qarap, oqý oryndaryna tekserý júrgizý qajet», - dedi úkimet basshysy.
Sondaı-aq, ol beınekameralardyń sanyn kóbeıtip, mektepke kireberis jerlerde baqylaýdy kúsheıtý máselesin qaraý kerektigin aıtty.
«Іshki ister mınıstrligi kelisilgen usynystardy engizsin. Densaýlyq saqtaý mınıstrligi zardap shekken balalardy emdeýdi erekshe baqylaýǵa alsyn. Oqý-aǵartý mınıstrligi Іshki ister jáne Tótenshe jaǵdaılar mınıstrlikterimen birlesip, qaýipsizdik sabaqtaryn ázirleýi qajet. Balalar ártúrli jaǵdaıda ózderin qalaı ustaý kerektigin naqty bilýi tıis», - dedi ol.
Eske salsaq, Petropavlda 9-synyp oqýshysy mektepke qarýlanyp kelip, birneshe balany jaraqattaǵan bolatyn.
Keshe tús kezinde oqıǵa kezinde zardap shekken oqýshylar jansaqtaý bóliminde jatqany belgili boldy.
