Álıhan Smaıylov mańǵystaýlyq kishkentaı Álıhannyń tusaýyn kesti

AQTAÝ. QazAqparat - Premer-Mınıstr mańǵystaýlyq kishkentaı Álıhannyń tusaýyn kesti, dep habarlaıdy QazAqparat Úkimettiń baspasóz qyzmetine silteme jasap.

Jumys saparymen Mańǵystaý oblysynda júrgen Úkimet basshysy óńir turǵynynyń ótinishin jerge tastamaı, bir jasar Álıhan esimdi búldirshinniń tusaýyn kesti.

«Qazaqy dástúrmen nemeremniń tusaýyn kesýdi josparlap júr edim. Sáti túsip, Premer-Mınıstr Álıhan Smaıylovqa balamyzdyń tusaýyn kestirip, jaqsylyqqa balap otyrmyz», — deıdi Álıhannyń atasy Qaıyrjan Nııazov.

Úkimet basshysy búldirshinge aq jol, bolashaǵynyń jarqyn bolýyn tiledi.