Álıhan Smaıylov Qytaımen kedendik alshaqtyqty qysqartý jóninde tapsyrma berdi

NUR-SULTAN. QazAqparat – Úkimet basshysy Álıhan Smaıylov Qytaımen aradaǵy kedendik alshaqtyqty qysqartýǵa «Qazaqstan temir joly» kompanııasyn tartýdy tapsyrdy, dep habarlaıdy QazAqparat tilshisi.

«Qytaımen aradaǵy kedendik statıstıka derekteriniń alshaqtyǵy ótken jyldyń qorytyndysy boıynsha 5,7 mlrd teńge boldy. Oǵan negizgi sebepterdiń biri – taýarlar qunyn kemitip kórsetý ári durys deklaratsııalamaý. Sońǵy 4 jylda alshaqtyq 20 protsentke qysqardy. Bul jaqsy dınamıka», -dedi Premer-Mınıstr.

Onyń málimeti boıynsha, búginde Qarjy mınıstrligi 5 myńnan astam taýar pozıtsııasynyń qundyq ındıkatoryn qaıta qaraǵan.

«Sonymen qatar, Qarjy mınıstrligi «Qazaqstan temir joly» kompanııasymen birlesip tasymaldanatyn taýarlar boıynsha Qytaı tarapymen aqparat almasý máselelerin pysyqtaý qajet», - dedi Álıhan Smaıylov.