Álıhan Smaıylov Qyrǵyzstan Mınıstrler kabınetiniń tóraǵasy Aqylbek Japarovpen telefon arqyly sóılesti

NUR-SULTAN. QazAqparat - Qazaqstan Respýblıkasynyń Premer-Mınıstri Álıhan Smaıylov Qyrǵyz Respýblıkasy Mınıstrler kabınetiniń Tóraǵasy Aqylbek Japarovpen telefon arqyly sóılesti, dep habarlaıdy QazAqparat primeminister.kz-ke silteme jasap.

Qyrǵyz Respýblıkasy Mınıstrler kabınetiniń Tóraǵasy A. Japarov Á. Smaıylovty Qazaqstan Respýblıkasynyń Premer-Mınıstri laýazymyna taǵaıyndalýymen quttyqtap, Qazaqstanda turaqtylyqtyń tezirek qalpyna kelýine jáne eldiń áleýmettik-ekonomıkalyq damý mindetteriniń tabysty sheshilýine tilektestigin bildirdi.

Taraptar strategııalyq áriptestikti odan ári nyǵaıtýǵa daıyn ekendikterin bildirdi.

«Qazaqstan Úkimeti baýyrlas Qyrǵyz Respýblıkasymen strategııalyq seriktestikti tereńdetý baǵytyn berik ustanady», - dedi Á. Smaıylov.

Ekijaqty saýda-ekonomıkalyq yntymaqtastyq máseleleri talqylandy.