Álıhan Smaıylov QR Statıstıka agenttiginiń jańa tóraǵasy bolyp taǵaıyndaldy - Úkimet basshysy
ASTANA. Qazannyń 27-si. QazAqparat /Ernur Aqanbaı/ - Álıhan Smaıylov QR Statıstıka agenttiginiń jańa tóraǵasy bolyp taǵaıyndaldy.
Bul týraly búgin Úkimet otyrysynda Premer-Mınıstr K. Másimov málim etti, dep habarlaıdy QazAqparat.
«Eń aldymen kadrlyq qaýly týraly aıtqym keledi. Statıstıka agenttiginiń tóraıymy (Anar Meshinbaeva-red) óz erkimen qyzmetinen ketý jóninde ótinish jazdy. Bul ótinish qanaǵattandyryldy. Men tıisti qaýlyǵa qol qoıdym. Búgin men, sondaı-aq Álıhan Smaıylovty QR Statıstıka agenttiginiń tóraǵasy etip taǵaıyndaý týraly jáne ony buǵan deıin istegen qyzmeti - Qarjy mınıstriniń orynbasarlyǵynan bosatý týraly qaýlyǵa qol qoıdym», dedi Úkimet otyrysynda Premer-Mınıstr.
«Barlyqtaryńyz ony jaqsy bilesizder. Jaýapty qyzmetker. Bir kezderi ol osy agenttikti basqarǵan bolatyn», dedi K. Másimov Úkimet múshelerine qaratyp aıtqan sózinde.
