Álıhan Smaıylov qazaqstandyqtardy otandyq ónimmen qamtý máselesin kóterdi
«Ónerkásiptik saıasat týraly qabyldanǵan zań sheńberinde jergilikti qamtýdy damytý maqsatynda qundylyqty damytý týraly baǵdarlama ázirleý kerek. Biz otandyq ónim men taýarlardy satyp alýdy qamtamasyz etýimiz qajet. Sonymen qatar jumys jáne kórsetiletin qyzmetterdi paıdalaný boıynsha da otandyqtardy qoldaý kerek. Ásirese, offteık kelisimsharttarǵa qol jetkizý boıynsha múmkindikter bere otyryp, iri kásiporyndardyń aınalasynda shaǵyn jáne orta bıznestiń damýyna yqpal etý mańyzdy», - dedi Álıhan Smaıylov elordada ótip jatqan «Atameken» ulttyq kásipkerler palatasynyń kezekten tys ІH sezinde.
Premer-Mınıstrdiń aıtýynsha, pandemııa, álemdik ekonomıkalyq daǵdarys jáne qańtar oqıǵasy el ekonomıkasy úshin jańa synaq.
«Memleket basshysy óz sózinde birqatar mańyzdy áleýmettik-ekonomıkalyq mindetterdi júıeli túrde sheshý jóninde naqty tapsyrmalar berdi. Bul eń aldymen, makroekonomıkalyq turaqtylyqty qamtamasyz etý, azamattarymyzdyń ál-aýqaty men ómir súrý deńgeıin arttyrý. Sondaı-aq, ekonomıkalyq ıgilikterdi ádil bólý úshin ekonomıkany ártaraptandyrý jáne monopolııasyzdandyrý saıasatyn júrgizý», - deıdi Úkimet basshysy.
