Álıhan Smaıylov kásipkerlikke kedergi keltiretin talaptardy alyp tastaýdy tapsyrdy

ASTANA. QazAqparat – Kásipkerlikke kedergi keltiretin artyq jáne negizsiz talaptardy jaqyn arada alyp tastaý kerek. Premer-Mınıstr Álıhan Smaıylov Saýda jáne ıntegratsııa mınıstrliginiń alqa otyrysyna osylaı dedi, dep habarlaıdy QazAqparat tilshisi.

«Mınıstrik ókili óz baıandamasynda kásipkerlikke kedergi keltiretin 543 artyq jáne negizsiz talaptar bar ekenin aıtty. Olardy alyp tastaý kerek. Bul jumysty jaqyn arada aıaqtaý qajet. Jalpy, biz kásipkerlikke kedergi keltiretin 10 myńǵa jýyq artyq talapty anyqtadyq. Búgin biz ótken jyly bıznes salasyndaǵy qandaı máselelerdi sheshkenimizge qorytyndy jasadyq. Byltyr atqarylǵan jumystardyń nátıjesinde kásipkerlik sýbektileriniń sany 20%-ǵa, ıaǵnı 1,7 mln sýbektige, shaǵyn jáne orta bızneste jumys isteıtinderdiń úlesi 9,3%-ǵa nemese 3,7 mln adamǵa deıin ósti», - dedi Álıhan Smaıylov.

Premer-Mınıstrdiń sózinshe, ótken jyly bıznesti qoldaýǵa baǵyttalǵan jumystardyń arqasynda kásipkerliktiń jalpy ishki ónimdegi úlesi artqan.

Sonymen qosa Úkimet basshysy alqa otyrysta mınıstrlik basshylyǵana qant tapshylyǵyn boldyrmaý boıynsha naqty tapsyrma berdi.