Álıhan Smaıylov qarjy ıgerýde kósh sońynda qalǵan bes vedomstvony atady
«Bıýdjetti ıgerý - óte mańyzdy másele. Biz bul jumysty kúndelikti júrgizemiz. Qazynashylyq-aqparattyq júıesinen kúndelikti barlyq ákimshilikterdiń tólenip jatqan qarajatyn kórip otyrmyz. Apta saıyn ár ákimshilikpen tıisti jumysty júrgizip kelemiz. Qazirgi tańda bıýdjet ıgerý jumysy jaqsardy. Mysaly, osy jyldyń 8 aı jáne 9 aılyq qorytyndysyn salystyratyn bolsaq, ıgerilmeı jatqan qarajat somasy 33 mlrd teńgege azaıdy. Bizdiń boljaýymyzsha, jyl sońyna deıin ıgerý kórsetkishin 100 paıyzǵa jetkizý kerek», - dedi mınıstr Úkimette ótken baspasóz máslıhatynda.
Mınıstrdiń aıtýynsha, munda másele tek bıýdjetti ıgerý ǵana emes, ár ákimshilik óziniń aldyndaǵy mindettemelerdi, óziniń strategııalyq josparyn oryndap, tıisti kórsetkishterine qol jetizýi kerek. ıAǵnı, nátıje bolýy tıis.
Úkimet otyrysyndaǵy baspasóz máslıhaty aıaqtalǵannan keıin tilshiler Álıhan Smaıylovqa osy máselege qatysty taǵy suraq qoıdy.
«Qarjynyń ıgerilmeýiniń standartty sebepteri bar: naqtyraq aıtqanda memlekettik satyp alýlardy keshiktirip júrgizý, oryndalǵan jumystyń qujatyna ýaqtyly qol qoımaý sekildi sharýalar. Eger qarjyny ıgermeı jatqan vedomstvolardyń bestigin atar bolsam, olar - Mádenıet jáne sport mınıstrligi, Qorǵanys mınıstrligi, UQK, Ulttyq ekonomıka mınıstrligi jáne Joǵarǵy sot. Taǵy qaıtalap aıtamyn, 9 aıdyń qorytyndysy boıynsha jaǵdaı jaqsara tústi. Buǵan Qarjy mınıstrliginiń vedomstvo ákimshilerimen júrgizgen jumysy sep bolyp otyr», - dedi Álıhan Smaıylov.
Eske sala ketsek, osy aptanyń seısenbisinde ótken Úkimet otyrysynda Premer-mınıstr Baqytjan Saǵyntaev qarajatty ıgere almaı jatqan ákimdikterge kezekti ret eskertý jasaǵan bolatyn. Úkimet basshysy toǵyz aıdyń ishinde qarjyny ıgere almaǵan ákimdikter men mınıstrlikterge naqty sharalar qoldanylatynyn aıtty.
«9 aıdyń nátıjesi boıynsha qaı ákimdik qarjyny ıgermedi - sol qarajattyń bári keri alynady. Alynǵan aqsha basqa ákimdikter tarapynan jasalǵan usynystarǵa beriledi. ıAǵnı, kim ıgerip jatyr - soǵan beriledi. Kim ıgermedi - olardyń bárinen alynady. Jyl sońyna deıin áli úsh aı bar. Ár aıdyń qorytyndysy boıynsha ıgerilmegen qarjy osylaı alynyp otyrady. Álıhan Ashanuly (Qarjy mınıstri - avt.), kimder ıgermeı jatyr - ol máseleni Parlamentke barmaı-aq ózimiz sheshetindeı múmkindik bolady», - degen edi Úkimet basshysy.
