Álıhan Smaıylov: Qańtarda 39 mlrd teńgege qarjylyq zań buzýshylyqtar anyqtaldy

NUR-SULTAN. QazAqparat – 2020 jyldyń qańtarynda 39 mlrd teńgege qarjylyq buzýshylyqtar anyqtaldy. Bul týraly Úkimet otyrysynda QR Premer-Mınıstriniń birinshi orynbasary - Qarjy mınıstri Álıhan Smaıylov aıtty, dep habarlaıdy QazAqparat tilshisi.

«Memlekettik satyp alý protsedýralary jáne bıýdjettiń shyǵystarynyń jumsalý barysy baqylaýda boldy. Qańtar aıynda 159 aýdıtorlyq is-sharalarmen 96 mlrd teńge bıýdjet qarajaty qamtyldy. Nátıjesinde 39 mlrd teńgege qarjylyq zań buzýshylyqtar anyqtaldy», - dedi birinshi vıtse-premer.

Onyń aıtýynsha, tekserý kezinde 33 mlrd teńgege buzýshylyqtar joıyldy. Aýdıt nysandaryna 181 usynystar jiberildi. Onyń 95-si oryndaldy. Esepti kezeńde jalpy somasy 1 trln 730 mlrdteńgege 396 myńnan asa memlekettik satyp alý protsedýralary kameraldyq baqylaýmen qamtyldy.

«Tekserý qorytyndysy boıynsha jalpy somasy 39 mlrd teńgege memlekettik satyp alý týraly zańnamanyń buzýshylyǵyna jol berilmedi», - dedi ol.