Álıhan Smaıylov ishki naryqty azyq-túlikpen qamtamasyz etý jumysyn kúsheıtýdi tapsyrdy
Búgin Úkimet otyrysynda Premer-Mınıstr Aýyl sharýashylyǵy mınıstri Erbol Qarashókeevten sharýalarǵa forvordtyq qarjylandyrý qalaı ulǵaıtylatynyn suraǵan edi.
«Biz qazirgi ýaqytta baǵany turaqtandyrý boıynsha úlgilik qaǵıdalarǵa ózgertýler jobasyn ázirlep qoıdyq. Osy jobada aınalym shemasy aıasynda aýyl sharýashylyǵy taýarlaryn óndirýshiler men qaıta óńdeý kásiporyndaryn forvardtyq qarjylandyrýǵa keminde 70 paıyzy jiberiletin bolady. Buryn ondaı talap qoıylmaǵan edi. Qazir osyny engizip otyrmyz. Mınıstrlik tıisti buıryǵyn jarııa talqylaýdan ótkizip, qazir qaýymdastyqtarǵa maquldaýǵa jiberdi. Jaqyn arada bekitemiz», - dep jaýap berdi mınıstr.
Osy oraıda Úkimet basshysy ishki naryqty azyq-túlik taýarlarymen qamtamasyz etý jumysyn kúsheıtý qajettigin basa aıtty.
«Sondyqtan ınvestıtsııalyq jobalardy bıyl iske qosý kerek. 2024 jyly bólek, qazir, 2023 jyly ınvestıtsııalyq jobalardy iske asyrý qajet. Іshki naryqty qazir qamtamasyz etý kerek», - dedi Álıhan Smaıylov.