Álıhan Smaıylov ınvestıtsııalyq saıasat máseleleri jóninde keńes ótkizdi

NUR-SULTAN. QazAqparat - Búgin QR Premer-Mınıstriniń birinshi orynbasary –Qarjy mınıstri Álıhan Smaıylovtyń tóraǵalyǵymen Qazaqstanda ınvestıtsııalyq saıasatty iske asyrý máseleleri talqylandy, dep habarlaıdy QazAqparat primeminister.kz saıtyna silteme jasap.

Sharaǵa QR Prezıdentiniń janyndaǵy Sheteldik ınvestorlar keńesiniń ınvestıtsııalyq saıasatty iske asyrý jónindegi jumys tobynyń jáne memlekettik organdardyń: Bas prokýratýra, Qarjy mınıstrligi, Memlekettik kirister komıteti, Ulttyq ekonomıka mınıstrligi, Ádilet mınıstrligi jáne Joǵarǵy sot ókilderi qatysty.

Kezdesý qatysýshylary salyqtyq quqyqbuzýshylyqtardy qylmyssyzdandyrýǵa baǵyttalǵan sharalardy talqylady.

«Bul jumystyń nátıjesi retinde elimizdiń ınvestıtsııalyq ahýaly jaqsaryp, sondaı-aq memlekettik organdardyń bızneske qysymy tómendetilýi kerek», — dep atap ótti Álıhan Smaıylov.

Sharaǵa sonymen qatar jumys tobynyń sheteldik tarabynan «EY», «Shell», «TOTAL» ókilderi qatysty.