Álıhan Smaıylov ınvestıtsııalyq is-sharalardy sapaly ári ýaqtyly oryndaýdy tapsyrdy

NUR-SULTAN. QazAqparat – Ortalyq memlekettik organdar men ákimdikter Investıtsııalyq saıasat tujyrymdamasyndaǵy is-sharalardyń sapaly ári ýaqtyly oryndalýyn qamtamasyz etýi qajet. Bul týraly búgin Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Myna máselelerge nazarlaryńyzdy aýdarǵym keledi. Birinshi, ortalyq memlekettik organdar men ákimdikter Investıtsııalyq saıasat tujyrymdamasyndaǵy is-sharalardyń sapaly ári ýaqtyly oryndalýyn qamtamasyz etýi qajet. Ekinshi, Ulttyq ekonomıka jáne Syrtqy ister mınıstrlikteri ortalyq jáne jergilikti atqarýshy organdarmen birlesip, Tujyrymdamanyń jańa maqsatty ındıkatorlarynyń dekompozıtsııasyn jasaý kerek. Ony Investıtsııalyq shtab otyrysynda keshiktirmeı bekitý kerek», - dedi Úkimet basshysy.

Álıhan Smaıylov úshinshiden, Syrtqy ister mınıstrligine aı saıyn Premer-Mınıstrdiń birinshi orynbasarynyń tóraǵalyǵymen jáne toqsan saıyn óziniń tóraǵalyǵymmen Investıtsııalyq shtab otyrystarynda ınvestıtsııalar tartý boıynsha júrgizilip jatqan jumystar men iske asyrylyp jatqan jobalar týraly salalyq mınıstrlikter men ákimdikterdi tyńdaý kestesin jasaýdy tapsyrdy.

«Ákimder ındıkatorlarǵa qol jetkizý barysyn erekshe baqylaýda ustap, ınvestıtsııalyq jobalardy iske asyrý kezinde týyndaıtyn problemalyq máselelerge shuǵyl áreket etýi qajet», - dedi Premer-Mınıstr.