Álıhan Smaıylov ınvestıtsııalyq ahýaldy jaqsartý jónindegi keńes otyrysyn ótkizdi
Іs-sharaǵa Qazaqstanda akkredıttelgen AQSh elshisi Denıel Rozenblıým, Ulybrıtanııa elshisi Ketı Lıch, Eýropalyq Odaq elshisi Kestýtıs ıAnkaýskas, Kanada elshisi Alan Hemson, Qazaqstandaǵy Amerıkalyq Saýda palatasynyń atqarýshy dırektory Dorıs Bredberı, sondaı-aq iri bıznestiń jáne ortalyq memlekettik organdardyń ókilderi qatysty.
Premer-Mınıstr óz sózinde Úkimet memlekettiń shekten tys aralasýdan bas tartyp, barlyq qatysýshylar úshin teń múmkindikterdi qamtamasyz etýge baǵyttalǵan básekege qabiletti naryqtyq ekonomıka qurý baǵytyn jalǵastyratynyn atap ótti.
«Bul baǵytta shynaıy naryqtyq básekelestikti kúsheıtý, zańnama jáne sot praktıkasyn jetildirý, sondaı-aq sybaılas jemqorlyqqa qarsy kúres jónindegi sharalar iske asyrylyp jatyr. Bul bıznestiń múddeleri men quqyqtaryn qorǵaý júıesin edáýir nyǵaıtady, ınvestorlarǵa keń aýqymdy ekonomıkalyq múmkindikter beredi», — dedi Álıhan Smaıylov.
Úkimet basshysy bıýdjet-salyq saıasatyn jetildirý úshin 2030 jylǵa deıingi Memlekettik qarjyny basqarý tujyrymdamasy qabyldanǵanyn, al fıskaldy saıasatty qaıta jańartý maqsatynda 2023 jyly jańa Salyq kodeksi ázirlenetinin atap ótti.
Salyq zańnamasyn jaqsartý jumystarynyń barlyǵy salyq tóleýshilermen, sarapshylarmen jáne halyqaralyq konsýltanttarmen tyǵyz yntymaqtastyqta júrgiziledi.
«Bul rette salyqtyq ákimshilendirýdi ońaılatýǵa jáne tsıfrlandyrýǵa, tabysty reınvestıtsııalaý kezinde korporatıvtik tabys salyǵy boıynsha jeńildikterdi qoldanýdy keńeıtýge erekshe nazar aýdarylatyn bolady», — dedi Álıhan Smaıylov.
Otyrys aıasynda qatysýshylar salyq saıasatynyń tıimdiligin arttyrý boıynsha usynymdardy, jańa Salyq kodeksin ázirleý, taýarlardy kedendik óńdeý, zııatkerlik menshik quqyqtaryn qorǵaý, sondaı-aq qazaqstandyq jáne sheteldik kásipkerler arasyndaǵy bıznes baılanystardy nyǵaıtý máselelerin talqylady.
Qorytyndylaı kele, Premer-Mınıstr barlyq usynystar men usynymdardy tıisti memlekettik organdar pysyqtaıtynyn atap ótti.
«Qazaqstan Úkimeti salyq saıasatynyń barlyq ózekti máseleleri boıynsha ınvestorlarmen yntymaqtastyqty odan ári jalǵastyrýǵa daıyn», — dep túıindedi ol.
Foto: primeminister.kz
