Álıhan Smaıylov ınvestıtsııa tartý máseleleri jóninde keńes ótkizdi
Keńeske qatysýshylar ınvestıtsııa tartý boıynsha nysanaly kórsetkishterge qol jetkizý barysy týraly baıandady.
Almaty, Mańǵystaý, Túrkistan oblystary, Aýyl sharýashylyǵy, Indýstrııa jáne ınfraqurylymdyq damý, Tsıfrlyq damý, Innovatsııalar jáne aeroǵarysh ónerkásibi mınıstrlikteri usynǵan jobalar qarastyryldy. Olardyń qatarynda áýejaı, tsement zaýytyn, qus fabrıkasyn, kabel jáne transformator shyǵaratyn óndiristik keshen, mıneraldy tyńaıtqyshtar men qurama jem shyǵaratyn zaýyttar, qatty turmystyq qaldyqtardy kádege jaratý jáne qaıta óńdeý zaýytynyń, shoıyn shyǵaratyn metallýrgııa zaýytynyń, et óńdeıtin keshenniń qurylysy, qarqyndy baqtardy damytý jáne óńdelgen jemisterdi óndirý, balyq ósirý kesheni jáne taǵy basqalary bar. Jobalardyń ózektiligi, iske asyrý kezeńderi, qujattamanyń daıyndyǵy jáne jalpy usynylǵan ınvestıtsııalyq jobalardyń árqaısysy boıynsha problemalyq máseleler talqylandy.
«Usynylǵan ınvestıtsııalyq jobalar elimizdiń ekonomıkalyq jáne áleýmettik damýyna oń áser etedi. Bul jobalardyń iske asyrylýyn monıtorıngileý protsesi Birinshi vıtse-premerdiń jeke baqylaýyna alyndy», - delingen aqparatta.
