Álıhan Smaıylov EYDU-men ózara is-qımyl jónindegi keńes otyrysyn ótkizdi
NUR-SULTAN. QazAqparat - QR Premer-Mınıstriniń birinshi orynbasary – qarjy mınıstri Á. Smaıylovtyń tóraǵalyǵymen Ekonomıkalyq yntymaqtastyq jáne damý uıymymen (EYDU) ózara is-qımyl jónindegi keńes otyrysy ótti.
Bul týraly QR Úkimetiniń baspasóz qyzmeti habarlady.
EYDU-men yntymaqtastyqty damytý eldiń syrtqy ekonomıkalyq saıasatynyń basymdyqtarynyń biri bolyp tabylatynyn atap ótip, Qazaqstannyń EYDU-men ózara is-qımyly týraly QR ulttyq ekonomıka birinshi vıtse-mınıstri Á. Irǵalıev habardar etti. Ol 2015 jyly EYDU-men úsh jylǵa arnalǵan Eldik baǵdarlamaǵa qol qoıylǵanyn aıtty (2015-2018 jj.).
2020-2021 jj. arnalǵan EYDU-men jańa jobalar týraly QR ádilet mınıstri M. Beketaev, QR ulttyq ekonomıka birinshi vıtse-mınıstri Á. Irǵalıev, Sybaılas jemqorlyqqa qarsy is-qımyl agenttigi tóraǵasynyń birinshi orynbasary O. Bektenov baıandady. Óz kezeginde, EYDU jahandyq qatynastar Hatshylyǵynyń Eýrazııa boıynsha dıvızııa basshysy Ý. Tompson Qazaqstannyń EYDU-men yntymaqtastyǵynyń qorytyndylary men odan arǵy yntymaqtastyǵy týraly aıtyp berdi.
