Álıhan Smaıylov: Eskirgen kanaldar saldarynan sý ysyrap bolyp jatyr
«Vegetatsııalyq kezeńdi tıimdi ótkizý – túptep kelgende eginniń túsimi men eldiń azyq-túlik qaýipsizdigine tikeleı baılanysty. Sýarmaly jerlerdiń kóp bóligi elimizdiń ońtústik óńirlerinde ornalasqan. Olar jyl saıyn sý tapshylyǵynyń zardabyn tartyp keledi. Aral-Syrdarııa jáne Shý-Talas basseınderi negizinen kórshi elderden keletin aǵyn sýǵa táýeldi. Ǵylymı boljamdarǵa sáıkes, sýdyń kólemi aldaǵy ýaqytta da azaıa bermek. ıAǵnı, 2040 jylǵa qaraı sý tapshylyǵy jylyna shamamen 15 tekshe kılometrdi quraıtyn bolady. Sondyqtan sýdyń basynda otyrǵan eldermen halyqaralyq sharttarǵa sáıkes mindettemelerdi saqtaý máselesi boıynsha jumysty kúsheıtý qajet», - dedi Á. Smaıylov.
Onyń aıtýynsha, tıisti ınfraqurylymnyń joqtyǵy, sondaı-aq jumysty uıymdastyrý máselesinde ishki kemshilikter de sý salasyndaǵy negizgi problemalardyń biri bolyp otyr.
«Bul jerde birinshi kezekte, ózimizde bar sý qoryn únemdep, tıimdi paıdalaný máselesin bir júıege keltirý qajet. Elimizde sýdyń 65 paıyzy aýyl sharýashylyǵyna jumsalady. Alaıda sol sýdyń jartysyna jýyǵy tehnıkalyq jaǵdaıy ábden eskirgen kanaldardan egistikke jetkenshe qumǵa sińip, ysyrap bolýda. Bul – úlken shyǵyn. Mysaly, Túrkistan oblysyndaǵy K-30 kanalynyń tehnıkalyq jaǵdaıy bárine belgili. 12 jyldan asty, kúrdeli jóndeý jumystary sonda da aıaqtalmaı keledi. Qyzylorda oblysynyń eginshileri táýeldi bolyp otyrǵan Sol jaǵalaýdaǵy magıstraldyq kanal boıynsha da jaǵdaı osyndaı. Mundaı mysaldar eldiń ońtústik aımaqtarynda óte kóp», - dedi Úkimet basshysy.
