Álıhan Smaıylov: Egin sýbsıdııalary byltyrǵy kóleminde saqtalady
Úkimet otyrysynda QR Premer-Mınıstri Álıhan Smaıylov osylaı dedi.
«Ózderińizge málim, qazir búkil álemde aýyl sharýashylyǵy ónimderine degen suranys kún sanap artyp keledi. Suranysqa saı onyń baǵasy da qymbattap barady.Sondyqtan ishki naryqty otandyq ónimmen qamtamasyz etip ǵana qoımaı, onyń eksporttyq áleýetin de arttyrý – asa mańyzdy másele.
Osy turǵyda kóktemgi egis jumystaryn ýaqytyly ári sapaly júrgizý kerek. Bul – elimizdiń azyq-túlik qaýipsizdigin qamtamasyz etý úshin ózekti másele. Óz kezeginde Úkimet naýqandyq jumystardy qarjylyq jáne materıaldyq-tehnıkalyq jaǵynan qamtamasyz etý úshin qajetti barlyq sheshimderdi qabyldady. Bıyl osy jumystarǵa 70 mlrd teńge bıýdjettik kredıt bólindi. Sondaı-aq Azyq-túlik kelisimshart korporatsııasy forvardtyq satyp alýǵa arnalǵan qarajatty 80 mlrd teńgege deıin ulǵaıtty», - degen Úkimet basshysy respýblıkalyq bıýdjetten naýqandyq jumystarǵa taǵy 70 mlrd teńge bólinetinin atady.
ıAǵnı memleket bıyl egistik jáne ony jınaý jumystaryna barlyǵy 220 mlrd teńgeden astam qarjy bólip otyr. Bul ótken jylǵa qaraǵanda 2 ese kóp.
«Sonymen qatar tyńaıtqyshtar men pestıtsıdterdi satyp alý qunynyń 50%-in sýbsıdııalaý ári qaraı jalǵasady.
Tuqym satyp alý, qaıta óńdeýge tapsyrylatyn daqyldar óndirý, sý berý boıynsha kórsetiletin qyzmet qunyn sýbsıdııalaý da byltyrǵy shamada saqtalatyn bolady», - dedi Premer-Mınıstr.
