Álıhan Smaıylov EEK alqasynyń tóraǵasy Mıhaıl Mıasnıkovıchpen kezdesti
Kezdesý barysynda Eýrazııalyq ekonomıkalyq ıntegratsııany damytýdyń 2025 jylǵa deıingi strategııalyq baǵyttarynyń jobasyn daıyndaý barysy, EAEO sheńberinde tehnıkalyq retteýdiń biryńǵaı bazasyn jetildirý, sondaı-aq Eýrazııalyq Úkimetaralyq keńestiń aldaǵy otyrysyn ótkizý máseleleri talqylandy.
Á. Smaıylovtyń aıtýynsha, ózara tıimdi sheshimder qabyldaýǵa basymdyq berý Uıymnyń baǵytyna tolyq sáıkes keledi, muny Uıym jumys istegen kezeńde ózara saýdanyń edáýir ósýi naqty kórsetip otyr.
Máselen, EAEO qyzmeti kezeńde Qazaqstannyń áriptesterimen ózara saýdasy 37,5%-ǵa, onyń ishinde eksport 33%-ǵa ósti.
«Bizdiń aldymyzda túrli salalardaǵy, birinshi kezekte ónerkásiptegi kooperatsııa kásiporyndarmen birlesip ıntegratsııalyq jobalardy iske asyrý boıynsha úlken jumys kútip tur. Ótken jyly Qazaqstan EAEO-nyń jarǵylyq organdarynda tóraǵalyq etýshi tarap boldy, memleket basshymyz Q. Toqaev ótken jyldyń basynda bizdiń uıymǵa tóraǵalyq etýimizdiń basym baǵyttaryn belgiledi, Prezıdenttiń úndeýinde kórsetilgen osy baǵyttar birlesken kúsh-jigerimizdiń arqasynda sol kezeńinde tabysty iske asyryldy dep senimmen aıtýǵa bolady jáne bıylǵy jyly olardy júzege asyrý jalǵasýda», — Á. Smaıylov.
Qazaqstan men EAEO elderi arasyndaǵy taýar aınalymy 2021 jyly $26,1 mlrd qurady, bul 2020 jylǵa qaraǵanda 28%-ǵa joǵary.
Qazaqstannan EAEO elderine eksport 2021 jyly 34,9%-ǵa ósip, $7,6 mlrd jetti. EAEO elderinen Qazaqstanǵa ımport 2021 jyly 25,4%-ǵa ósip, $18,4 mlrd boldy.
Óz kezeginde Eýrazııalyq ekonomıkalyq komıssııa Alqasynyń Tóraǵasy M. Mıasnıkovıch qazaqstandyq taraptyń úılesimdi jumysyn atap ótip, EÚAK-niń qazirgi otyrysynyń barlyq máselesi belgilengen tártipte qaralatynyn atap ótti.
Kooperatsııany damytý boıynsha úlken jumys kútip tur.
Kezdesýge Premer-Mınıstrdiń orynbasary – QR saýda jáne ıntegratsııa mınıstri B. Sultanov, saýda jáne ıntegratsııa vıtse-mınıstri J. Kýshýkova, QR Premer-Mınıstri Keńsesi Basshysynyń orynbasary A. Kárimov jáne EEK Alqasy Tóraǵasy hatshylyǵynyń basshysy V. Zınovskıı qatysty.
