Álıhan Smaıylov: EAEO tıimdiligine baǵalaý júrgizý qajet

NUR-SULTAN. QazAqparat – Eýrazııalyq ekonomıkalyq odaq tıimdiligine baǵalaý júrgizý qajet. Bul týraly Eýrazııalyq úkimetaralyq keńestiń keńeıtilgen otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«EAEO qyzmetiniń nátıjelerine jurtshylyqtyń jiti nazarynyń artýy jaǵdaıynda birlestiktiń tıimdiligine, atap aıtqanda onyń músheleriniń ekonomıkalaryna yqpalyna baǵalaý júrgizý qajet. Nátıjeleri qabyldanatyn qujattardyń sanymen emes, naqty, tikeleı jáne eseptelinetin kórsetkishtermen ólshenýi tıis. Qazirgi ýaqytta komıssııa bızneske arnalǵan sheshimderge jobalardyń retteýshilik áserin baǵalaý júrgizip jatyr. Alaıda, ol negizinen sheshimderdiń bıznes konıýktýraǵa áserin sandyq baǵalaýdy qarastyrmaıdy», - dedi Úkimet basshysy.

Osyǵan oraı Álıhan Smaıylov komıssııaǵa qabyldanatyn sheshimderdiń bıznesti damytýǵa yqpalyn sandyq jáne sapalyq baǵalaý kórsetkishterin ázirleýdi usyndy. Sonymen qatar mundaı kórsetkish qoǵamǵa atqarylǵan júmystyń naqty nátımjelerin jetkizýge múmkindik beretindigin basa aıtty.