Álıhan Smaıylov «Tsesnabankke» ne úshin kómek kórsetilgendigin túsindirdi

ASTANA. QazAqparat - Búgin Úkimet úıinde ótken baspasóz máslıhatynda QR Qarjy mınıstri Álıhan Smaıylov «Tsesnabanktiń» kredıttik portfelin satyp alýǵa qatysty túsinikteme berdi, dep habarlaıdy QazAqparat tilshisi.

Mınıstrdiń sózine qaraǵanda, Tsesnabank aýyl sharýashylyǵyna negizgi kredıt berip otyrǵan qarjy uıymy sanalady. Búginde bul saladaǵy kredıtterdiń 65 paıyzyn osy bank bergen. Sondyqtan agroónerkásip keshenin qoldaý mindeti bolǵan.

«Birinshi tranta 450 mlrd teńgeniń, al ekinshisinde 604 mlrd teńgeniń kredıttik portfelin satyp aldyq. Bul respýblıkalyq bıýdjettiń aqshasy emes. Bul qaıtarym negizinde tartylǵan qarajat. ıAǵnı, bank júıesin saýyqtyrý maqsatynda ekinshi deńgeıli bankterdiń problemalyq kredıtterin satyp alý úshin qurylǵan Problemalyq kredıtter qory qor bırjasyna óziniń oblıgatsııalaryn shyǵardy. Bul oblıgatsııalardy Ulttyq banktyń enshiles úıymy Qazaqstannyń turaqtandyrý qory satyp aldy jáne bul aqshaǵa Tsesnabanktiń «agrarlyq portfeli» alynyp otyr. Sanatsııa oryn alǵannan keıin bul portfel jeke bızneske satylady jáne qaıtarylǵan aqsha Qazaqstannyń turaqtandyrý qoryna beriledi. Sebebi bul qaıtarylatyn aqsha. Birinshi transh 10 jylǵa, ekinshisi 15 jylǵa arnalǵan. Aktıvterdiń satylýyna qaraı bul aqsha qaıtaratyn bolamyz», - dedi Á.Smaıylov.

Mınıstrdiń paıymynsha, mundaı shara kóktemgi egistik jumystaryna kedergi keltirmeýge jáne jumys oryndaryn saqtap qalýǵa, aýyl sharýashylyǵy óndirisin qamtamasyz etýge múmkindik beredi.

Munan bólek, Tsesnabankte 179 myń jeke tulǵanyń jalpy somasy 400 mlrd teńgeni quraıtyn depozıtteri bar. Sonymen qatar, 19 myń kompanııa da 110 mlrd teńgelik depozıtterin osy bankte saqtap otyr.