Álıhan Smaıylov bir aı ishinde «Qoljetimdi ınternet» ulttyq jobasyn pysyqtaýdy tapsyrdy

ASTANA. QazAqparat - QR Premer-Mınıstri Álıhan Smaıylovtyń tóraǵalyǵymen ótken Prezıdent janyndaǵy tsıfrlandyrýdy engizý máseleleri jónindegi komıssııa otyrysynda ınternet sapasyn jaqsartý, baılanys ınfraqurylymyn jáne jańa tsıfrlyq ónimderdi damytý josparlary talqylandy. Bul týraly QazAqparat Úkimettiń saıtyna silteme jasap habarlaıdy.

Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın qalalar men aýyldardy joǵary jyldamdyqty ınternetke qosý, respýblıkalyq jáne birinshi dárejedegi oblystyq joldar boıynda talshyqty-optıkalyq baılanys jelilerin tartý/tóseý/montajdaý, sondaı-aq 5G jelilerin engizý boıynsha keń aýqymdy jumystar qarastyrylǵan 2023-2027 jyldarǵa arnalǵan «Qoljetimdi ınternet» ulttyq jobasyn ázirleý barysy týraly baıandady.

Sondaı-aq tsıfrlyq damý, ınnovatsııalar jáne aeroǵarysh ónerkásibi mınıstri Memleket basshysynyń memlekettik apparattyń qyzmetin bıýrokratııadan aryltý jáne memlekettik statıstıkany júrgizý men memlekettik qyzmetter kórsetýdiń dáldigin arttyrýǵa múmkindik beretin tsıfrlyq statıstıkalyq tirkelimderdi engizý jónindegi tapsyrmasy sheńberinde memlekettik organdardyń derekterin tsıfrlandyrý barysy týraly aıtyp berdi.

Álıhan Smaıylov bir aı merzimde «Qoljetimdi ınternet» ulttyq jobasyn pysyqtap, ony basqa memlekettik organdarmen kelisýdi tapsyrdy, sondaı-aq derekter bazasyn jańǵyrtý kezinde aqparatty 100% qorǵaýdy qamtamasyz etý qajettigin atap ótti.