Álıhan Smaıylov: Aýyl sharýashylyǵyn sýbsıdııalaý álemde bar tájirıbe
«Jalpy aýyl sharýashylyǵyna memlekettik kómek kórsetý, sýbsıdııa berý dúnıe júzinde bar tájirıbe. Buǵan sebep bolatyny – aýyl sharýashylyǵy ónimderin shyǵarýdyń ereksheligi. Mysaly aýyl sharýashylyǵyna salynatyn ınvestıtsııa uzaq merzimde qaıtady, sosyn ártúrli táýekelderge baılanysty bolady. Mysaly ósimdik pen janýarlar aýrýyna, aýa raıyna baılanysty bolady» , - dedi Álıhan Smaıylov Ulttyq arnadaǵy «Jańa Qazaqstan» baǵdarlamasynda.
Úkimet basshysynyń aıtýynsha, barlyq memleketter ózderiniń aýyl sharýashylyǵyn qoldaıdy, ol birinshiden ınvestıtsııalyq tartymdylyqty qamtamasyz etý úshin, ekinshiden aýyl sharýashylyǵynda turaqty jumys istep, turaqty jalaqy tóleý úshin qajet.
«Aýyldyq jerlerde halyqtyń 42 paıyzy turatynyn eskersek, aýyl sharýashylyǵy – áleýmettik mańyzy bar sala. Sondyqtan árbir memleket óziniń aýyl sharýashylyǵyna qarjylaı kómek beredi jáne basqa da tásildermen tıisti jeńildikterdi beredi. Biz de sondaı tájirıbeni qoldanýdamyz jáne bul kómekti kóbeıtip jatyrmyz», - dedi Á. Smaıylov.
