Álıhan Smaıylov: Áýejaı mańyndaǵy zańsyz berilgen jerlerdi qaıtaryp alý kerek

ASTANA. QazAqparat –Úkimet otyrysynda Premer-Mınıstr Álıhan Smaıylov azamattyq avıatsııa salasyndaǵy máselerge toqtalyp, Indýstrııa mınıstrligine birqatar tapsyrma júktedi, dep habarlaıdy QazAqparat tilshisi.

«Indýstrııa mınıstrligi Qarjy mınıstrligimen, ákimdiktermen jáne áýejaılarmen birlesip, áýejaı ınfraqurylymyn jańǵyrtý jónindegi jol kartalaryn ázirleý qajet. Sonymen birge, ákimdiktermen birlesip, áýejaılardyń mańyndaǵy zańsyz berilgen jer ýchaskelerin alyp qoıý jumystaryn júrgizý kerek. Energetıka mınıstrligimen jáne «Samuryq-Qazyna» qorymen birlesip, avıakerosın óndirisin ulǵaıtý máselesin pysyqtaý qajet. Sondaı-aq, avıaotyn naryǵyndaǵy deldaldyq shemalardy boldyrmaý jónindegi jumystardy kúsheıtý qajet», - dep tapsyrma júkteli Premer-Mınıstr.

Buǵan qosa, Álıhan Smaıylov Indýstrııa mınıstrligine dınamıkalyq baǵa belgileý máselesin pysyqtaýdy tapsyrdy. Bul joǵary suranysty tek kiris kózine aınaldyrý múmkindigin shekteý úshin mańyzdy.