Álıhan Smaıylov astyqtyń sapaly saqtalýyn qamtamasyz etýdi tapsyrdy

ASTANA. QazAqparat – Premer-Mınıstr Álıhan Smaıylov astyqtyń sapaly saqtalýyn qamtamasyz etýdi tapsyrdy, dep habarlaıdy QazAqparat tilshisi.

«Aýyl sharýashylyǵy mınıstrligi óńir ákimderimen birlesip, astyq jınaý jumystaryn tez arada tolyqtaı aıaqtap, astyqtyń sapaly saqtalýyn qamtamasyz etsin», - dedi Álıhan Smaıylov búgin Úkimet otyrysynda.

Sonymen qatar ol óńir ákimderine ónimniń astyq qoımalaryna ýaqtyly qabyldanýyn turaqty baqylaýda ustaýdy tapsyrdy. kelesi jylǵa qajetti astyq tuqymyn tolyǵymen qamtamasyz etý kerektigin de basa aıtty.

«Indýstrııa mınıstrligi «Qazaqstan temir joly» ulttyq kompanııasymen birlesip, astyqty úzdiksiz tasymaldaý úshin vagondarmen qamtamasyz etý is-sharalaryn qabyldasyn», - dedi Premer-Mınıstr.