Álıhan Smaıylov: 84 mlrd teńgeniń qarjylyq buzýshylyqtary joıyldy

NUR-SULTAN. QazAqparat - 2020 jyldyń 1-toqsanynda 84 mlrd teńgeniń qarjylyq buzýshylyqtary joıyldy. Bul týraly búgin Úkimet otyrysynda QR Premer-Mınıstriniń birinshi orynbasary - Qarjy mınıstri Álıhan Smaıylov aıtty, dep habarlaıdy QazAqparat tilshisi.

«Esepti kezeńde 512 aýdıtorlyq is-sharalar júrgizildi. Onyń barysynda 249 mlrd teńge bıýdjet qarajaty aýdıtpen qamtyldy. Nátıjesinde 91 mlrd teńgege qarjylyq buzýshylyqtar anyqtaldy. Tekserý barysynda taýarlardy jetkizý, qyzmetterdi kórsetý jáne jumystardy oryndaý, bıýdjetke óteý jáne esep boıynsha kórsetý jolymen 84 mlrd teńgege buzýshylyqtar joıyldy»,- dedi ol.

Birinshi vıtse-premerdiń aıtýynsha, aýdıt nysandarynyń qyzmetterin jetildirýge jáne tıimdiligin arttyrý úshin 470 usynys berildi. Onyń 361 oryndaldy.

«Jalpy somasy 5 trln 197 mlrd teńgege 881 myń memlekettik satyp alý protsedýralary kameraldyq baqylaýmen qamtyldy. Nátıjesinde 250 mlrd teńge somasyndaǵy buzýshylyqtarǵa jol berilmedi», - dedi Álıhan Smaıylov.