Álıhan Smaıylov Joǵary aýdıtorlyq palatany basqara beredi
ASTANA. KAZINFORM — Álıhan Smaıylov QR Joǵary aýdıtorlyq palatasynyń tóraǵasy boldy.
Tıisti Jarlyqqa Prezıdent Qasym-Jomart Toqaev qol qoıdy.
— Memleket basshysynyń Jarlyǵymen Álıhan Ashanuly Smaıylov Qazaqstan Respýblıkasy Joǵary aýdıtorlyq palatasynyń Tóraǵasy laýazymyna taǵaıyndaldy, — delingen qujatta.
Álıhan Smaıylov 1972 jyldyń 18 jeltoqsanynda Almaty qalasynda dúnıege kelgen.
1994 jyly Ál-Farabı atyndaǵy Qazaq memlekettik ulttyq ýnıversıtetin «qoldanbaly matematıka» mamandyǵy boıynsha támamdaǵan.
1996 jyly Qazaqstan Respýblıkasynyń Prezıdenti janyndaǵy Qazaqstan menedjment, ekonomıka jáne boljamdaý ınstıtýtyn aıaqtap, memlekettik basqarý magıstri dárejesine ıe boldy.
1993-1999 jyldary «A-Invest» ınvestıtsııalyq-jekeshelendirý qorynda, Qazaqstan Respýblıkasynyń Ulttyq statıstıka agenttiginde, Statıstıkalyq josparlaý jáne reformalar agenttiginiń Statıstıka jáne taldaý komıteti tóraǵasynyń orynbasary, Qazaqstan Respýblıkasy Prezıdenti Ákimshiliginiń memlekettik ınspektory bolyp qyzmet atqarǵan.
1999-2003 jj. — Qazaqstan Respýblıkasynyń Statıstıka agenttiginiń tóraǵasy.
2003-2006 jj. — Qazaqstan Respýblıkasynyń Syrtqy ister vıtse-mınıstri, «Eksporttyq kredıtter men ınvestıtsııalardy saqtandyrý jónindegi memlekettik saqtandyrý kompanııasy» AQ basqarma tóraǵasy.
2006-2009 jj. — Qazaqstan Respýblıkasynyń Qarjy vıtse-mınıstri, «QazAgro» ulttyq holdıngi» AQ prezıdenti.
2009-2014 jj. — Qazaqstan Respýblıkasy Statıstıka agenttiginiń tóraǵasy.
2014-2015 jj. — Qazaqstan Respýblıkasy Ulttyq ekonomıka mınıstrliginiń Statıstıka komıtetiniń tóraǵasy. 2015-2018 jj. — Qazaqstan Respýblıkasy Prezıdentiniń kómekshisi.
2018 - 2019 jj. — Qazaqstan Respýblıkasynyń Qarjy mınıstri.
2019-2021 jj. — Qazaqstan Respýblıkasy Premer-mınıstriniń birinshi orynbasary – Qarjy mınıstri.
2022-2024 jj. — Qazaqstan Respýblıkasynyń Premer-mınıstri.
Qazaqstan Respýblıkasy Prezıdentiniń 2024 jylǵy 1 sáýirdegi №512 Jarlyǵymen Qazaqstan Respýblıkasy Joǵary aýdıtorlyq palatasynyń tóraǵasy bolyp taǵaıyndaldy.
Memlekettik nagradalary: «Parasat» ordeni (2020 j.), «Eren eńbegi úshin», «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl», II dárejeli «Eýrazııalyq ekonomıkalyq odaqty qurýdaǵy úlesi úshin» medaldary.
Eske salaıyq, munyń aldynda Nurlan Ábdirov Ortalyq saılaý komıssııasy tóraǵasy, al Elvıra Ázimova Konstıtýtsııalyq Sottyń Tóraǵasy bolyp qaıta taǵaıyndalǵanyn habarlaǵanbyz.
