Álıhan Smaıylov ShQO-ny damytý boıynsha keńes ótkizdi
Juma, 6 qazanda QR Premer-Mınıstri Álıhan Smaıylov Óskemen qalasynda Shyǵys Qazaqstan oblysynyń odan ári áleýmettik-ekonomıkalyq damý máseleleri boıynsha keńes ótkizdi, dep habarlaıdy QazAqparat QR Úkimetiniń baspasóz qyzmetine silteme jasap.
Premer-Mınıstr ShQO ekonomıkasy birinshi kezekte, taý-ken metallýrgııa ónerkásibiniń damýymen baılanysty ekenin, sonymen qatar energetıka, aýyl sharýashylyǵy, logıstıka jáne týrızm salalarynyń da damý áleýeti óte joǵary ekenin atap ótti.
Máselen, óńirdegi ónerkásip óndirisiniń 70%-ke jýyǵyn taý-ken metallýrgııa salasy quraıdy.
«Elektromobıl óndirisiniń qarqyndy ósýine baılanysty lıtıı metalyn óndirý ózekti bolyp tabylady. Oblystyń Ulan, Shemonaıha aýdandarynda jáne Óskemen qalasynyń shetinde memlekettiń balansynda turǵan lıtııdiń 6 ken orny bar. Barlanbaǵan ken oryndary budan da kóp. Lıtııdiń negizgi tutynýshylarynyń biri Qytaı jáne basqa da Azııa naryqtary óńirge jaqyn ornalasqan. Ákimdik osy múmkindikterdi paıdalaný úshin ken oryndaryn barlaý jáne óndirý jobalaryna ınvestorlardy tartýy kerek», - dedi Álıhan Smaıylov.
Ol óńirde jańartylatyn energııa kózderiniń biri bolyp tabylatyn gıdroenergetıka salasynyń jaqsy damyǵanyn atap ótti.
«Jergilikti jerlerdi elektr energııasymen qamtamasyz etý jáne elektr jelilerindegi shyǵyndy azaıtý úshin Altaı aýdanyndaǵy «Turǵysyn-1» sııaqty shaǵyn gıdroelektrostantsııalardy salý jobalaryn belsendi iske asyrý qajet», — dedi Álıhan Smaıylov.
Premer-Mınıstr atap ótkendeı, Úkimet jyl saıyn otandyq aýyl sharýashylyǵy taýaryn óndirýshilerdi qoldaý úshin qomaqty qarjy bóledi.
«AÓK jobalaryn iske asyrýǵa qoldaý kórsetý sharalaryn ári qaraı da jalǵastyramyz. Dese de bıýdjet qarajatyn barynsha tıimdi paıdalaný kerektigin atap ótkim keledi. Eń bastysy, ónimdiligi joǵary, qaıtarymy mol jobalarǵa basymdyq berilýi tıis», — dedi ol.
Atap aıtqanda, kásipkerlermen birge Kókónis qoımalaryn salý jáne jańǵyrtý jónindegi keshendi jospardy iske asyrý jumystaryn kúsheıtý qajet.
«Qazir bizde osyndaı qoımalardy salý úshin 50%-ke deıin ınvestıtsııalyq sýbsıdııa berý kózdelgen. ıAǵnı, bul salaǵa memleket tarapynan úlken qoldaý sharalary kórsetiledi. Osyǵan mán berip, úılestirý jumystaryn kúsheıtý kerek», — dedi Premer-Mınıstr.
