Álıhan Smaıylov shahtadaǵy apattar týraly: Birinshi kezekte kásiporyn basshylyǵy kináli
ASTANA. Kazinform - Úkimet otyrysynda Premer-Mınıstr Álıhan Smaıylov Qazaqstan shahtalarynda eńbek qaýipsizdigi saqtalmaıtynyn synady.
«Memleket basshysy Kostenko shahtasynda kenshilerdiń qaza bolýyna baılanysty tergeý jumysyn júrgizip, «ArselorMıttal Temirtaý» kompanııasymen ınvestıtsııalyq yntymaqtastyqty toqtatýdy tapsyrdy. Osyndaı apat bıyl tamyz aıynda da bolǵan. Ol kezde 5 shahter qaza tapty. Kóp adamnyń ólimine ákep soqqan apat óndiristegi qaýipsizdik talaptarynyń saqtalmaýyyf tikeleı baılanysty. Bul – birinshi kezekte kásiporyn basshylyǵynyń kinási», - dedi Úkimet basshysy.
Aıta keteıik, 28 qazanda Qaraǵandy oblysyndaǵy Kostenko atyndaǵy shahtada apat bolyp, keıin 45 adamnyń qaza tapqany habarlanǵan bolatyn.
Osyǵan baılanysty Qazaqstanda 29 qazan — Jalpyulttyq aza tutý kúni bolyp jarııalandy.
