Álıhan Smaıylov «Reseı» halyqaralyq kórme-forýmyna qatysty
Máskeýdegi TMD elderi Úkimet basshylary keńesiniń otyrysy qarsańynda Qazaqstan Premer-Mınıstri Álıhan Smaıylov «Reseı» halyqaralyq kórme-forýmyna qatysty, dep habarlaıdy Kazinform.
Sverdlov oblysynyń stendi aıasynda Soltústik Qazaqstan oblysynyń erkin ekonomıkalyq aımaǵynda júk kótergish jabdyqtardy jasap shyǵarý boıynsha Qazaqstan men Reseıdiń birlesken jobasy usynyldy.
Qazirgi ýaqytta jobalaý jumystary júrgizilip, irgetasy qalanǵan, 2024 jylǵy qarashada jabdyqtardyń synama partııasyn shyǵarý, 2025 jyly paıdalanýǵa berý josparlanyp otyr.
Chelıabi oblysynyń stendi aıasynda Qazaqstanda býldozer tehnıkasy men aýyl sharýashylyǵy traktorlarynyń óndirisin lokalızatsııalaý, sondaı-aq sý jáne gaz qubyrlaryn shyǵaratyn zaýyt salý boıynsha jobalar tanystyryldy.
Sankt-Peterbýrg stendinde Qazaqstanda dárilik preparattar óndirisin lokalızatsııalaý jáne baıytý fabrıkalarynyń tehnıkasyn jańartý boıynsha jobalar usynylǵan.
Sonymen qatar kórmeni aralaý kezinde Álıhan Smaıylov pen basqa elder delegatsııalarynyń basshylary Tatarstan jáne Bashqurtstan respýblıkalary, Máskeý oblysy jáne basqa óńirlerdiń stendterimen tanysty.
