Álıhan Smaıylov pedagogter men dárigerlerdi memlekettik nagradalarmen marapattady

Ulttyq mereke – Respýblıka kúni qarsańynda QR Premer-Mınıstri Álıhan Smaıylov QR Prezıdentiniń Jarlyǵyna sáıkes memlekettik organdar men uıymdardyń qyzmetkerlerine memlekettik nagradalar tabys etti, dep habarlaıdy Kazinform.

Atap aıtqanda, «Parasat» ordenimen QR Qarjy mınıstrligi Qazynashylyq komıtetiniń tóraǵasy Rahat Toqbaev pen «Y. Altynsarın atyndaǵy Ulttyq bilim akademııasy» ShJQ RMK bas ǵylymı qyzmetkeri Jaýmbaı Qaraev marapattaldy.

Aıta ketý kerek, bıyl kóptegen pedagogter men dárigerler, atap aıtqanda, júrek transplantatsııasy boıynsha kúrdeli otalardy sátti júrgizgen transplantologtar memlekettik nagradalarǵa ıe boldy.

«Qurmet» ordenimen «Shymkent júrek ortalyǵy» KeAQ basqarma tóraǵasy Darhan Súıgenbaev, QR DSM Transplanttaýdy jáne joǵary tehnologııalyq medıtsınalyq qyzmetti úılestirý jónindegi respýblıkalyq ortalyqtyń dırektory Sáýle Shaısultanova, «Y. Altynsarın atyndaǵy Ulttyq bilim akademııasy» ShJQ RMK bas ǵylymı qyzmetkeri Ordenbek Mazbaev, sondaı-aq «Ulttyq ǵylymı kardıohırýrgııa ortalyǵy» KeAQ qyzmetkerleri: kardıohırýrgııa KAD dırektory – Tımýr Lesbekov, ınterventsııalyq kardıologııa jáne radıologııa KAD dırektory – Marat Arıpov, operatsııalyq bólimshesiniń meńgerýshisi – Rymbaı Qalıev, dáriger kardıolog – Saltanat Andosova, dáriger kardıohırýrg – Ásel Medresova jáne Svetlana Novıkova marapattaldy.

«Ulttyq ǵylymı kardıohırýrgııa ortalyǵy» KeAQ operatsııalyq meıirgeri Maral Shardenova «Eren eńbegi úshin» medaliniń ıegeri atandy. «University Medical Center» korporatıvtik qorynyń basqarma tóraǵasy ıÝrıı Pıaǵa QR Prezıdentiniń alǵysy jarııalandy.

Sonymen qatar «Qurmet» ordenimen jáne «Eren eńbegi úshin» medalimen Aýyl sharýashylyǵy, Energetıka, Saýda jáne ıntegratsııa, Týrızm jáne sport, Tsıfrlyq damý mınıstrlikteriniń, sondaı-aq QR Úkimeti Apparatynyń qyzmetkerleri marapattaldy.