Álıhan Smaıylov memqyzmetterdi avtomattandyrýǵa qatysty birqatar tapsyrma berdi
Proaktıvti túrde kórsetiletin qyzmetter tizbesin keńeıtý úshin árbir ómirlik jaǵdaı boıynsha jol kartasyn bekitý kerek. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy Kazinform.
«Tsıfrlyq damý mınıstrligi birqatar jumys atqarýy qajet. Birinshiden, múddeli memlekettik organdarmen birge 2024 jylǵy naýryz aıynyń sońyna deıin elektrondy túrde bolady dep málimdelgen memlekettik qyzmetterdiń qalǵan túrlerin avtomattandyrýǵa tıis. Ekinshiden, proaktıvti qyzmetter tizbesin júıeli túrde keńeıtip turýy qajet. Bul úshin árbir ómirlik jaǵdaı boıynsha jol kartasyn bekitý kerek», - dedi Úkimet basshysy.
Premer-Mınıstr árbir memlekettik qyzmettiń naqty jaı-kúıin turaqty tekserip turý qajettigin aıtty.
«Onyń ońaı alynýyna, derekterdiń durystyǵyna jáne olardyń qaýipsiz saqtalýyna erekshe nazar aýdarý kerek. Jalpy, halyqtan suralatyn qujattardyń tizbesin ońtaılandyrý qajet. Bıznes pen azamattarǵa, onyń ishinde erekshe qajettiligi bar adamdarǵa sapaly jáne ýaqytyly qyzmet kórsetýge basymdyq berilýi tıis», - dedi Álıhan Smaıylov.
