Álıhan Smaıylov qyzylsha aýrýy týraly: Sońǵy 10 jylda bolmaǵan jaǵdaı

Elimizde qyzylsha aýrýynyń taralýy ásirese balalar arasynda jıilep otyr. Bul týraly Úkimet basshysy Álıhan Smaıylov málim etti, dep habarlaıdy Kazinform. 

«Juqpaly aýrýlardy azaıtý sharalary Úkimette birneshe ret qaraldy. Keń taralǵan vırýstyq ınfektsııalar boıynsha da kórsetkishter (V vırýsty gepatıti, rotavırýsty ınfektsııa, dızenterııa jáne t.b.) tómendedi», - dedi Álıhan Smaıylov Úkimet otyrysynda.

Úkimet basshysy elimizde qyzylshanyń ádetten tys taralýyna alańdatýshylyq bildirdi.

«Óken jyldan beri elimizde qyzylshamen aýyrǵandar sany aıtarlyqtaı ósip ketti. Ol sońǵy 10 jylda bolmaǵan kórsetkishke jetip otyr . Olardyń 80%-ke jýyǵy – 14 jasqa deıingi balalar. Aýyrǵandardyń kópshiligi – tıisti ekpe almaǵandar. Ekpe almaǵan naýqastardyń aýrýy asqynyp ketý qaýpi joǵary. Mundaı jaǵdaılar qazirdiń ózinde tirkelip otyr», - deıdi ol.