Álıhan Smaıylov Qatar elshisimen agroónerkásiptik jobalardy birlesip júzege asyrýdy talqylady

QR Premer-Mınıstri Álıhan Smaıylov Qatar Memleketiniń Qazaqstandaǵy elshisi Abdýlazız ben Sultan Ál-Rýmeıhımen kezdesý ótkizdi, dep habarlaıdy QR Úkimetiniń baspasóz qyzmeti. 

Qatar Qazaqstannyń arab álemindegi mańyzdy saıası jáne ekonomıkalyq seriktesi.

«Biz qolda bar múmkindikterdi keńeıtýge múddelimiz. Qazirgi tańda agroónerkásiptik keshende birqatar jobalardy birlesip júzege asyrý perspektıvalary bar ekenin erekshe yqylaspen atap ótkim keledi», — dedi Premer-Mınıstr.

Atap aıtqanda, áńgime Aqmola oblysynda bıdaı óńdeý zaýytynyń qurylysy týraly bolyp otyr. Joba quny shamamen — $200 mln. Qazirgi ýaqytta onyń tujyrymdamasy men seriktestik sharttary pysyqtalyp jatyr.

«Qazaqstanda bıznesti damytýǵa qolaıly barlyq jaǵdaı bar. Biz óz tarapymyzdan qajetti qoldaý kórsetýge daıynbyz», — dedi Álıhan Smaıylov.

Abdýlazız ben Sultan Ál-Rýmeıhı myrza Úkimet pen el basshylyǵynyń jyly qabyldaýy men qoldaýy úshin rızashylyǵyn bildirdi.