Álıhan Smaıylov: Halyqty qulaqtandyrý júıesi der kezinde iske qosylmady
ASTANA. KAZINFORM –Úkimet otyrysynda Premer-Mınıstr Álıhan Smaıylov Almatydaǵy silkinisi kezinde halyqty qulaqtandyrý júıesi der kezinde iske qosylmaǵanyn aıtty.
«Kórgenimizdeı, TJM-nen bastap ákimdikterge deıin memlekettik organdardyń búkil qyzmetteri bolǵan oqıǵaǵa áreket ete bildi. Baqytqa oraı, qaza bolǵandar men salmaqty shyǵyn joq. Biraq zardap shekkender bar», — dedi Úkimet basshysy.
Premer-Mınıstr shuǵyl jaǵdaıda halyqty qulaqtandyrý qyzmeti álsiz bolǵanyn synady.
«Adamdar ýaqtyly aqparattandyrý men aıqyn áreket bolmaǵandyqtan baıbalamǵa boı aldyrdy. Olar 2, 3-qabattan sekirip, oısyz áreketterge bardy. Bul qulaqtandyrý júıesi der kezinde iske qosylmaǵanyn, halyqqa barynsha erte habarlandyrýlar taratyp, habarlandyrý kerek bolǵanyn kórsetedi», — dedi Álıhan Smaıylov.
