Álıhan Smaıylov energetıka salasy qyzmetkerlerin kásibı merekemen quttyqtady

Búgin,  22 jeltoqsan – energetıkter kúni. Osyǵan oraı QR Premer-Mınıstri Álıhan Smaıylov sala qyzmetkerlerin kásibı merekemen quttyqtady, dep habarlaıdy Kazinform.  

«Qurmetti elimizdiń energetıka sektorynyń qyzmetkerleri, Sizderdi kásibı merekelerińiz – Energetık kúnimen shyn júrekten quttyqtaımyn! Biz jylý elektr stantsııalarynyń, elektr jelileri jáne energııamen jabdyqtaý uıymdarynyń, JEK jáne sý elektr stantsııalary nysandarynyń qyzmetkerlerine, jóndeýshi brıgadalarǵa – qajyrly eńbekterimen elimizdiń energııa júıesiniń turaqty jumysyn qamtamasyz etip otyrǵan azamattardyń barlyǵyna shyn júrekten rızashylyǵymyzdy bildiremiz. Keı kezde aýyr eńbek jaǵdaılaryna qaramastan, Sizder úılerimizge jaryq pen jylý berip, kásiporyndar men ınfraqurylymnyń jumysyn qamtamasyz etip otyrsyzdar. Memleketimizdiń damýyna úlken kúsh-qýat berip otyrǵan mártebeli eńbekterińizdiń jemisi – ol energııa! Sizderge shyn júrekten zor densaýlyq, amandyq jáne úlken jetistikter tileımin!», - dedi Álıhan Smaıylov.