Álıhan Smaıylov EAEO elderine biryńǵaı tsıfrlyq platforma qurýdy usyndy

ALMATY. KAZINFORM – Premer-Mınıstr Álıhan Smaıylov EAEO elderine tehnologııalyq sheshimder, patentter men ınnovatsııalyq ıdeıalar almasý úshin biryńǵaı tsıfrlyq platforma qurýdy usyndy.

«Biz jasandy ıntellekt salasyndaǵy zertteýlerdi birlesip júrgizýge jáne derekterdi óńdep, taldaý úshin qajetti ortaq ınfraqurylymdy qurýǵa daıynbyz. Sondaı-aq, biz óz jobalarymyzben jáne tájirıbemizben bólisýge ázirmiz. Tehnologııalyq sheshimder, patentter men ınnovatsııalyq ıdeıalarmen almasý úshin biryńǵaı tsıfrlyq platforma qurýdy usynamyz», - dedi Álıhan Smaıylov Digital Almaty: Industry X» tsıfrlyq forýmynda.

Úkimet basshysynyń aıtýynsha, bul elder arasyndaǵy ózara is-qımyldy jaqsartyp, aımaqtaǵy kásipkerler men zertteýshilerge sońǵy tehnologııalarǵa qol jetkizýge múmkindik beredi.

Buǵan deıin ol Qazaqstanda «qoljetimdi ınternet» ulttyq jobasy qabyldanǵanyn aıtqan bolatyn. 

Eske salaıyq, Almatyda Eýrazııalyq úkimetaralyq keńes músheleriniń plenarlyq otyrysy ótip jatyr.