Álıhan Smaıylov Bishkekte ótip jatqan ShYU úkimet basshylary otyrysynda ne aıtty
QR Premer-Mınıstri Álıhan Smaıylov Qyrǵyzstan astanasy Bishkek qalasynda ótip jatqan Shanhaı Yntymaqtastyq Uıymyna múshe memleketterdiń úkimet basshylary keńesiniń 22-shi otyrysynda sóz sóıledi, dep habarlaıdy Kazinform.
Іs-shara barysynda taraptar óńirlik damýdyń keń aýqymdy máseleleri boıynsha pikir almasty, sondaı-aq ShYU sheńberindegi saýda-ekonomıkalyq jáne mádenı-gýmanıtarlyq yntymaqtastyqtyń ózekti baǵyttaryn talqylady.
Óz sózinde Álıhan Smaıylov ShYU eleýli tabıǵı resýrstarǵa, tehnologııalyq jáne zııatkerlik áleýetke ıe bola otyryp, óziniń negizgi maqsattaryna nyq qadam basyp kele jatqanyn atap ótti.
«Bul – teń quqyqtyq seriktestik negizinde aımaqtaǵy teńgerimdi ekonomıkalyq ósimge, áleýmettik jáne mádenı damýǵa qol jetkizý», — dedi ol.
Premer-Mınıstr shildedegi Sammıt qorytyndysy boıynsha ShYU elderiniń basshylary saýda-ekonomıkalyq yntymaqtastyqty odan ári arttyrý boıynsha birqatar mindetter qoıǵanyn eske saldy.
«Atalǵan baǵyttaǵy birlesken kúsh-jigerdiń basty maqsaty –ShYU músheleriniń barlyǵynyń múddelerine saı keletin alań retindegi rólin odan ári nyǵaıtý. Bul – ShYU-ǵa tóraǵalyq etý sheńberinde Qazaqstan úshin asa mańyzdy tásil», — dedi Álıhan Smaıylov.
Osyǵan baılanysty Úkimet basshysy Shanhaı Yntymaqtastyq Uıymy keńistigindegi saýda-ekonomıkalyq baılanystardy nyǵaıtý men damytýdyń mańyzdylyǵyn atap ótti.
Jalpy, aımaqishilik saýda 20 jyldan astam ýaqyt ishinde 100 esege jýyq ósti.
Ótken jyldyń qorytyndysyna sáıkes Qazaqstannyń ShYU elderimen taýar aınalymy shamamen 20%-ǵa ósip, $61 mlrd-qa jetti.
«Elektrondy saýda keleshegi zor salalardyń birine aınalyp otyr. Túrli baǵalaý boıynsha, ShYU elderinde elektrondy satýdan túsken jalpy tabys bıyl shamamen $1,5 trln-dy quraýy múmkin. Biz eń áýeli, kedendik rásimderdi jeńildetý arqyly, elektrondyq kommertsııany qoldaý úshin qoldan kelgenniń bárin jasaýymyz kerek», — dedi Álıhan Smaıylov.
Osy maqsatta Premer-Mınıstr ShYU elderiniń keden organdary basshylarynyń kezekten tys otyrysyn ótkizýdi, sondaı-aq ózara esep aıyrysýda ulttyq valıýtalardyń úlesin arttyrýdy jáne «Astana» halyqaralyq qarjy ortalyǵynyń múmkindikterin belsendi paıdalanýdy usyndy.
Otyrys qorytyndysy boıynsha delegatsııa basshylary birqatar qujattarǵa qol qoıdy.
