Álıhan Smaıylov azamattyq avıatsııa mamandaryn daıarlaý úshin qosymsha granttar bólýdi tapsyrdy
Azamattyq avıatsııa mamandary shetelde biliktilikterin arttyratyn bolady. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy Kazinform.
«Ónerkásip jáne Qarjy mınıstrlikteri áýejaılar aýmaǵynda mýltımodaldy kólikti paıdalaný múmkindigin berý máselesin pysyqtaýy qajet. Sondaı-aq, tranzıttik júkterdi rásimdeýdi jeńildetip, tıisti tehnologııalyq protsesterdi ońtaılandyrý kerek. Kólik jáne Energetıka mınıstrlikteri, «Samuryq-Qazyna» qory men «Qazmunaıgaz» kompanııasy qajetti avıaotyn kólemimen qamtamasyz etý sharalaryn qabyldaýy tıis. Sonymen qatar, ony saqtaýǵa arnalǵan tıisti ınfraqurylymdy qurý kerek», - dedi Álıhan Smaıylov.
Úkimet basshysy Ǵylym jáne joǵary bilim, Kólik mınıstrlikteri azamattyq avıatsııa salasynda mamandar daıarlaý úshin qosymsha granttar bólýdi qamtamasyz etýi kerektigin aıtty
«Aldaǵy ýaqytta qajetti kadrlardyń boljamyn jasap, shetelde biliktilikti arttyrý máselelerin pysyqtaýy qajet», - dedi Premer-Mınıstr.
