Álıhan Qaraneev bılıardtan Azııa chempıony atandy
ALMATY. 7 shilde. QazAqparat - Almatyda 3-6 shilde kúnderi bılıardtyń «Erkin pıramıda» túrinen Azııanyń ashyq chempıonaty ótti. Júlde qory 4 mıllıon 440 myń teńgeni quraıtyn bul dodada almatylyq Álıhan Qaraneev jeńimpaz atandy.
Oǵan Qazaqstan, Ázirbaıjan, Belarýs, Qyrǵyzstan, Qytaı, Reseı, Latvııa, Ózbekstan, Ýkraına jáne Mońǵolııadan 92 sportshy qatysqan bolatyn. Aqtyq synda Ýkraınanyń Chernovtsy qalasynan kelgen ıAroslav Tarnevetskııdi 7:2 esebimen utqan Á. Qaraneev Azııa chempıonatynyń kýbogyn, altyn medalin jáne 1-dárejeli dımlomy men 1 mıllıon 480 myń teńge kólemindegi qarjylaı syılyqqa ıe boldy. 26 shilde kúni 22 jasqa tolǵaly otyrǵan halyqaralyq dárejedegi sport sheberi bul dodada 7 kezdesý ótkizip, ony túgel óz paıdasyna sheshti. 87,69 paıyzdyq nátıjege qol jetkizgen Álıhan 63 partııanyń 41-in nemese 66 paıyzyn, oınalǵan 56 shardyń 40-yn jiberip 58 paıyzdyq kórsetkish kórsetti. Onda kúmis júldeger 740 myń, al olarǵa jartylaı fınalda ese jiberip, qola júldeni qanaǵat tutqan almatylyq Dáýren Orynbaev pen orynborlyq Oleg Erkýlev 444 myń teńgeden aldy. Sondaı-aq segizdikke kirgender 148 myńnan, al 9-16 oryndy bóliskender 92 500 teńgeden ıelendi.
