Álıhan Bókeıhannyń 7-tomdyq tolyq shyǵarmalar jınaǵynyń alǵashqy 3 tomy jaryq kórdi
ALMATY. Aqpannyń 22-si. QazAqparat /Ádilet Musahaev/ - Búgin Almatyda Álıhan Bókeıhannyń 7-tomdyq tolyq shyǵarmalar jınaǵynyń alǵashqy 3 tomynyń tusaýkeser rásimi ótti,
dep habarlaıdy QazAqparat.
Á.N. Bókeıhan - ǵulama ǵalym, pýblıtsıst ári kórnekti memleket qaıratkeri - qazaqtyń HH ǵasyr basyndaǵy "Alash" ulttyq qozǵalysynyń kósemi, Alashorda ulttyq-terrıtorııalyq avtonomııasy Ulttyq Keńesiniń tóraǵasy.
Á.Bókeıhannyń shyǵarmalar jınaǵyn qurastyrǵan Sultanhan Aqqululy. 1995 jyly Qazaq entsıklopedııasynan jaryq kórgen "Á.N. Bókeıhan. Tańdamaly - Izbrannoe" jınaǵyn da qurastyrǵan da osy kisi bolatyn.
Avtordyń aıtýynsha, alǵashqy 3 tomdyqqa qaıratkerdiń 1889 jyldan 1913 jylǵa deıin qazaq jáne orys tilderinde jaryq kórgen maqalalary, ǵylymı zertteýleri kirgen. Olardyń kóbisi buryn beımálim bolyp kelgen.
"Á.Bókeıhannyń pýblıtsıstıkasyn HІH ǵasyrdyń sońy men HH ǵasyrdyń basyndaǵy, tek Qazaqstan ǵana emes búkil Reseıdegi tarıhı oqıǵaǵa ulasatyn shejire dep aıtýǵa bolady", deıdi avtor.
