Álıhan Bókeıhannyń 150 jyldyǵyn atap ótý qoǵamnyń nazaryn tarıhı muraǵa aýdarýǵa kómektesedi - E.Qarın
ıÝNESKO Bas konferentsııasy 38-shi sessııasy «Memleket jáne qoǵam qaıratkeri, ǵalym Álıhan Bókeıhannyń týǵanyna 150 jyl» tolýyna baılanysty is-sharalarǵa qatysý týraly usynymdy maquldady.
E.Qarınniń aıtýyna qaraǵanda, bul ataýly kúndi halyqaralyq deńgeıde aýqymdy atap ótý bizdiń qoǵamnyń nazaryn tarıhı jáne mádenı mura máselelerine aýdarýǵa múmkindik beredi.
«Álıhan Bókeıhannyń 150 jyldyǵyna oraılastyrylǵan barlyq konferentsııalar, kezdesýler jaı ǵana atap ótý úshin ótkizilmeıdi. Bul sharalardyń barlyǵy halqymyzdyń ótken-ketkenin oı tolǵaǵynan ótkizý úshin mańyzdy», - dep atap ótti saıasattanýshy.
Erlan Qarın sondaı-aq «Alash» qozǵalysynyń aldaǵy kele jatqan mereıtoıyna nazar aýdardy - 2017 jyly «Alash» qozǵalysyna 100 jyl tolmaq.
Sonymen qatar sarapshy Otanymyzdyń tarıhynda áli jetkilikti kóńil bólinbegen kóp uly esim bar ekenine toqtalyp ótti. QSZI dırektorynyń pikirinshe, tap osy «Alash» kósemderi men kóptegen basqa tarıhı tulǵalar qazirgi táýelsiz Qazaqstannyń tabysty damýynyń irgetasyn qalap ketti.
Aıta keteıik, Álıhan Bókeıhan (05.03.1866-27.09.1937) - kórnekti memleket jáne qoǵam qaıratkeri, «Alash» ult-azattyq qozǵalysynyń kósemi, Qazaqtyń «Alash» derbes memleketiniń basshysy. Onyń baǵa jetpes ǵylymı-pýblıtsıstıkalyq murasy búginde 16 tomnan turatyn jınaqty qurap otyr.
