Álıhan Baımenov Termınkom músheleri qandaı shet tilderin bilýi kerektigin aıtty
ASTANA. KAZINFORM — Termınologııa komıssııasynda shet tilderin biletin mamandar bolýy tıis. Bul týraly Kazinform agenttiginiń BIZDIÑ ORTA podkastynda Memlekettik qyzmet haby basqarýshy komıtetiniń tóraǵasy Álıhan Baımenov aıtty.
— Meniń oıymsha, Termınkomda eń aldymen mindetti túrde búkil túrki tildes halyqtyń — túrik, ázerbaıjan, tatar, ózbek, qyrǵyz tilin biletin adamdar bolýy kerek. Óıtkeni, keıde sol elderge barǵanda biz jattandy túrde qoldanyp júrgen sóz tirkesterindegi keı sózderdi olardyń basqa maǵynada paıdalanyp júrgenin baıqaımyz. Ekinshiden, aǵylshyn tilin biletin adamdar bolýy tıis. Óıtkeni, álemdegi jańalyqtardyń basym kópshiligi sol tilde. Úshinshiden, arab jáne qytaı tilderin biletin adamdar bolýy qajet. Tórtinshiden, bizde turatyn úlken dıasporalardyń, Qytaıdan, Mońǵolııadan, Ózbekstannan kóship kelgen qazaqtardyń ókilderi bolýy tıis, — dedi Álıhan Baımenov.
Komıtet tóraǵasy mundaı usynysyn Til bilimi ınstıtýtynyń basshylyǵyna jetkizgenin aıtty.
— Ómirde adam, jas bala ońaı jolyn izdeıdi. Qazaq tilinde balama sózi bolmasa, ózi bilip turǵan tilde sóılep ketedi. Orys tiliniń qoldaný aıasynyń burynǵysha qalyp otyrýynyń bir sebebi de osy, — dedi ol.
Osydan buryn memlekettik keńesshi Erlan Qarın jańa Konstıtýtsııanyń jobasynda eskirgen, maǵynasy ózgergen sózder qaıta qaralǵanyn aıtty.
