Álıhan Báımenov: Shet tilin testileıtin ortalyqtardyń jumysyna kúmánmen qaraıtyndyǵymdy jasyrmaımyn
ASTANA. 16 qyrkúıek. QazAqparat - Qyzmetkerlerdi shetelde oqytýǵa memleketten bólinetin qarjy rásýa bolmaýy tıis. Bul týral búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Memlekettik qyzmet isteri agenttiginiń tóraǵasy Álıhan Báımenov málim etti.
«Elbasy shetelge azamattardy oqýǵa jibergende, onyń ishinde memlekettik qyzmetshilerdi oqytqanda olardy jibergen eldiń tilin bilip barýyna qatysty nazar aýdardy. Áıtpese, memleketten bólinetin qarjy rásýa bolady. Sol sebepten búgingi kúnge deıin bizdiń akademııaǵa oqýǵa túsý kezinde shet tilin bilý deńgeıi Bilim mınıstrligine qarasty testileý ortalyqtarynda ótetin. Meniń kelgenime eki jyl boldy, sol testileý ortalyǵynyń jumysyna kúmánmen qaraıtyndyǵymdy jasyrmaımyn», - dedi agenttik basshysy
Bul turǵyda Á. Báımenov Memleket basshysy tıisti tapsyrmalar berip, vedomstvoǵa derbes oqytý ordasy retinde testileýdiń jeke júıesin qurý nemese halyqaralyq testileý júıesin paıdalaný júktelgenin aıtty.
«Biz bul baǵytta jumys jasaımyz, sonda shyn máninde elimizden shetelge oqýǵa barǵan azamat til úırený úshin emes, bilim alý úshin baratyndaı deńgeıge kelemiz», - dep túıdi agenttik basshysy.
