Álıhan Báımenov: «A» korpýsyna 50 ákim ótpeı qaldy

ASTANA. 22 mamyr. QazAqparat - «A» basqarý korpýsyna testileýden 50 ákim óte almady.

Bul týraly búgin VI Astana Ekonomıkalyq forýmynda QR Memlekettik qyzmet isteri agenttiginiń basshysy Álıhan Báımenov málim etti.

Onyń sózine qaraǵanda, «A» korpýsyna túsý úshin 550 orynǵa 2000 adam ótinish bergen. Onyń 200-i biliktilik talaptaryna saı emes bolǵandyqtan, testileýge jiberilgen joq.

«Alǵashqy jeti kúnde testileýden 1800 adamnyń 1100-i ótti. Olardyń 63 paıyzy ony sátti tapsyryp, 37 paıyzy óte almady. 50-den astam qala jáne aýdan ákimi testileýden qulady. 26 qyrkúıekten bastap, olardyń ornyn ulttyq komıssııa iriktegen memlekettik qyzmet rezervindegi adamdar basady», - dedi Á.Baımenov