AliExpress Reseıge taýar tasymaldaýdy toqtatty
ASTANA. QazAqarat - Qytaılyq ınternet-reteıler AliExpress SPSR kompanııasy arqyly Reseıge jedel tasymal jasaýdy toqtatty. Bul másele kedendik rásimdeýmen baılanysty týyndap otyr, dep habarlaıdy lenta.ru TASS agenttigine silteme jasap.
Taýarlaryn atalmysh júıe arqyly saýdalaıtyn azamattar bul másele jóninde jazbasha túrde habardar etildi.
«Búgingi kúnnen bastap, atalmysh alań kommertsııalyq maqsattaǵy jedel-tasymaldardy júzege asyrmaıdy. Olar «Qytaı-reseılik tasymal - SPSR» jáne «AliExpress alańsyz taýar tasymaly -birinshi kezekte» atty júıelerdiń Reseı arqyly baǵytyn reseılik kommertsııalyq taýar tasymaly júıesi jumysyn rettegenshe, toqtatty»,-delingen habarlamada.
Jeltoqsan aıynyń sońynda júıeni paıdalanýshylar shetelden tapsyrys berilgen taýarlardyń jappaı keshigýine shaǵymdanǵan bolatyn.
Kóptegen satyp alýshylardyń málimetterinshe, tapsyrystar aptalap Vnýkovo keden beketinde jatady. Bul qıyndyqtardy kásipkerlerdiń 11 qarasha kúni uıymdastyrǵan jappaı jeńildikpen satylym júrgizý sharasymen baılanystyryp otyr.
