AliExpress Dúnıejúzilik shoppıng kúniniń alǵashqy 3 mınýtynda 500 mlrd teńgeniń saýdasyn jasady

ASTANA. QazAqparat - «Alibaba Group» ınternet-alańy óz resýrstary (AliExpress.com ınternet-dúkeni) 11 qarasha kúni saǵat 00:00-de Dúnıejúzilik shoppıng kúni merekesine arnalǵan jappaı satylym sharasy kezinde alǵashqy 3 mınýtynda 500 mlrd teńgeniń (10 mlrd ıýýan) saýdasyn jasady, dep habarlaıdy QazAqparat qytaılyq «Sınhýa» aqparat agenttigine silteme jasap.

Sınhýanyń habarlaýynsha, AliExpress ınternet-dúkeni satylym sharasynyń alǵashqy 3 mınýtynda 500 mlrd teńgeniń (10 mlrd ıýýan) saýdasyn jasap úlgerse, 1 saǵattaǵy saýda kólemi 28 trln teńgeni qurady (55,5 mlrd ıýýan).
 

AliExpress esepteýish taqtasynda 11 qarasha Astana ýaqyty 11 saǵat 9 mınýt 49 sekýndta 6 kvadrıllıon teńgeniń (120,7 mlrd ıýan) saýda-sattyǵy jasalyp, 2016 jyly 11 qarashadaǵy 24 saǵattyq rekordty jańalady.

Aıta keteıik, «Dúnıejúzilik shoppıng kúni» marketıngtik naýqany 2009 jyly paıda boldy. Ol kúni qytaılyq «Alibaba Group» ınternet-alańy óz resýrstarynda (AliExpress.com ınternet-dúkeninde) taýarlarǵa 50% jeńildik jasap, jappaı satylym sharasyn ótkizedi.

Aıta keteıik, Alibaba Group negizin qalaýshy - qytaılyq mıllıarder Djek Ma.