Álibı Jumaǵulov tanysqan qyzyn meıramhananyń ornyna polıtsııaǵa aparyp tastaǵan
ASTANA. QazAqparat - Astanadaǵy bıznesmennniń «toqalymen» dos bolǵany úshin soqqyǵa jyǵylǵan Álibı Jumaǵulov áleýmettik jeli arqyly tanysqan qyzdy birden polıtsııa bólimshesine aparyp tastaǵan. Sebebi onyń sómkesinde esirtki bolǵan, dep habarlaıdy QazAqparat tilshisi.
Atalǵan oqıǵa qazannyń 20-sy kúni boldy. Ony qalalyq ishki ister departamenti de rastap otyr. «Jumaǵulovtyń aryzy boıynsha sotqa deıingi tergeý júrip jatyr. Bul fakt Qylmystyq kodekstiń 296-baby «esirtki zattaryn zańsyz saqtaǵany» boıynsha biryńǵaı tizilimde tirkeldi», - delingen resmı habarlamada. Al sot-hımııalyq saraptamaǵa sáıkes 21 jastaǵy boıjetkennen tárkilengen zat bir grammnan asatyn marıhýana bolyp shyqty.
KazTengrinews.kz">KazTengrinews.kz portalyna suhbat bergen qyz da osy oqıǵany rastady. Onyń aıtýynsha, Álibı Jumaǵulovpen áleýmettik jeli arqyly tanysqan. Sodan qazannyń 20-sy kúni ekeýi kezdesken.
«Men onyń kóligine otyrǵannan keıin ol suraqtyń astyna aldy. Onymen ne úshin tanystym? Kezdesýge kelgende neni kózdedim? Al sómkemdegi zattardy retteı bastaǵanda ol kishigirim qaltashany kórip, ishinde ne bar ekenin surady. Men ózim úshin marıhýna alǵanymdy jetkizdim», - deıdi ol. Osydan keıin Á.Jumaǵulov ony meıramhananyń ornyna polıtsııa bólimshesine aparyp tastaǵan.
